Punjab Ke Dahkaan Se

Tags

پنچاب کے دہقان سے



بتا کيا تري زندگي کا ہے راز
ہزاروں برس سے ہے تو خاک باز
اسي خاک ميں دب گئي تيري آگ
سحر کي اذاں ہوگئي ، اب تو جاگ
زميں ميں ہے گو خاکيوں کي برات
نہيں اس اندھيرے ميں آب حيات
زمانے ميں جھوٹا ہے اس کا نگيں
جو اپني خودي کو پرکھتا نہيں
بتان شعوب و قبائل کو توڑ
رسوم کہن کے سلاسل کو توڑ
يہي دين محکم ، يہي فتح باب
کہ دنيا ميں توحيد ہو بے حجاب
بخاک بدن دانہء دل فشاں
کہ ايں دانہ داردز حاصل نشاں


EmoticonEmoticon