Motor

موٹر 

کيسی پتے کی بات جگندر نے کل کہی
موٹر ہے ذوالفقار علی خان کا کيا خموش

ہنگامہ آفريں نہيں اس کا خرام ناز
مانند برق تيز ، مثال ہوا خموش

ميں نے کہا ، نہيں ہے يہ موٹر پہ منحصر
ہے جادۂ حيات ميں ہر تيزپا خموش

ہے پا شکستہ شيوۂ فرياد سے جرس
نکہت کا کارواں ہے مثال صبا خموش

مينا مدام شورش قلقل سے پا بہ گل
ليکن مزاج جام خرام آشنا خموش

شاعر کے فکر کو پر پرواز خامشی
سرمايہ دار گرمی آواز خامشی


EmoticonEmoticon