Dr. Allama Muhammad Iqbal is the national poet of Pakistan. He was born on 9th November, 1877. This blog is about the life and poetry of Allama Iqbal. This Blog has the poerty of Iqbal in Urdu, Roman Urdu and English translation.

Monday 1 August 2011

Allama Iqbal Shikwa In Urdu / Poetry Of Iqbal



kyun zian  kar banun   sood framosh  rahun
fikr-e-farda na  krun mehv-e-gham dosh rahun
naalay bulbul k soonun aur hmma tan  gosh rahun
humnawa main bhi koi gul hun k khamosh rahun
shikwa allah se khakim baadhan   hai mujh ko
hai bja shewa-e-tasleem main mashhoor hain hum
qisa-e-dard s unatay hain  k  majboor hain hum
saz khamosh hain faryad se maamoor hain hum
nala aata hai agar lub pe to mazoor hain hum
a khuda shikwa-e-arbab-e-wfa bhi sun lay
khugar-e-hamd se thora sa gila bhi sun le
thee to mojood azal se he tery zaate qadeem
phool tha zaib-e-chman per na preshan thee shameem
shart insaf hai a sahib-e-altaf-e-ameem
boo-e-gul phailteey kis tarah jo hoti na naseem
hum ko jamiat-e-khatir ye preshani thee
warna ummat tairay mehboob ki deewani thee
hum se pehlay tha ajab teray jahan ka manzar
kaheen masjood thay pathar kaheen mabood shjar
khugar-e-paiker-e-mehsoos thee insan ki nazar
manta phir koi un dhekhay khuda ko kyun kar
tujh ko maloom hai laita tha koi naam taira
quwwat-e- bazoo-e-muslim ne kia kam tera
bus rhay thay yaheen saljook bhi toorani bhi
ahl-e-cheen cheen main iran main sasani bhi
isy mamooray main abad thay yunani bhi
isy dunya main yahudi bhi thay nasrani bhi
per teray naam pe talwar uthai kis ne
baat jo bigry hueey thee wo bnaeey kis ne
thay hameen tairay marka araoon main
khushkiun main kabhi lartay kabhi diryaon main
dee azanain kabhi europe k kaleesaaon main
kabhi africa k taptay huay sehraaon main
shan aankhon main na jachti thee jahandaaron ki
kalma parhtay thay hum chaaon main talwaroon ki






hum jo jeetay thay to jangon ki museebat k liay
aur martay thay teray naam ki azmat k liay
thee na kuch taigh zni apni hakumat k liay
sir bkaf phirtay thay tery naam ki azmat k liay
qoum apni jo maal o zar e jahan per marti
but froshi k iwaz but shikni kyun karti
tel na saktay thay agar jung main aarr jatay thay
paaon shairoon k bhi maidan se ukhar jatay thay
tujh se sirkash huwa koi to bigar jatay thay
taigh kia cheez hai hum toop se lerr jatay thay
naqsh toheed ka her dil pe bithaya hum ne
zair-e-khanjar bhi ye paigham sunaya hum ne
tu he keh de k ukhara dar-e-khaiber kis ne
shehar qaisar ka jo tha is ko kia ser kis ne
toray makhlooq-e-khudawandon k paiker kis ne
kaat ker rakh diay kuffar k lashkar kis ne
kis ne thanda kia aatish kda-e-iran ko
kis ne ohir zinda kia tazkra-e-yazdan ko
kon see qom faqt tery talabgar huey
aur tery liay zehmat-e-kash-e-paikar huey
kis ki shamsheer jahan geer-ojahan daar huey
kis ki takbeer se dunya tery baidar huey
kis ki haibet se sanam sehmay huay rehtay thay
moun ke bal gir ke hu wa allah hu ahad kehtay thay
aa gya ain lrai main agar waqt-e-namaz
qibla ru ho ke zameen bos huey qom-e-hijaz
aik he saf main khray ho gaye mehmood-o-ayaz
na koi banda raha aur na koi banda nawaz
banda-o-sahib-o-muhtaaj-o-ghani aik huay
tery sarkar main puhnchay to sbheey aik huay
Mehfil-e-kon-o-makan main sehar-o-shaam phiray
maye toheed ko le k sehar-o-shaam phiray
koh main dashat main le ker tera paigham phiray
aur maloom hai tujh ko kabhi nakaam phiray
dasht to dasht hain derya bhi no choray hum ne
behar-e-zulmat main dora diay ghoray hum ne
safha-e-dahar se batil ko mitaya hum ne
noo-e-insan ko ghulami se churaya hum ne
teray kaab-e-ko jabeenon se bsaya se hum ne
teray quran ko seenay se lgaya hum ne
phir bhi hum se ye gila hai k wfadar nahi
hum wfadar nahi tu bhi to dildar nahi



ummatain aur bhi hain in main gunahgaar bhi hain
ijz walay bhi hain mast-e-maye pindaar bhi hain
un main kahil bhi hain ghafil bhi hain hoshiar bhi hain
senkron  hain k teray naam se bezar bhi hain
rehmatain hain tery aghyaar k kashanon per
bark girti hai to becharay muslimanon per
bot sanam khanon main kehtay hau musliman gaye
hai khushi in ko k kabay k neghba n gaye
manzil-a-dehar se uonthon k neghbaan gaye
apni baghlon main dabaye huay quran gaye
khunda zen kufr hai ihsas tujhe hai k nahi
apni toheed ka kuch pas tujhe hai k nahi
ye shikayt nahi, un ke khazanay mamoor
nahi mehfil main jinhain baat bhi karnay shaoor
qehar to ye hai k kafir ko milay hoor-o-qasoor
aur becharay musliman ko faqt waad-a-hoor
ab wo altaf nahi hum pe enayat nahi
baat ye kia hai k pehlee se mdarat nahi
kyun muslimaanon main hai dolat-a-dunya nayab
tery qudrat to hai wo jis ki had hai na hisab
tu jo chahay to uthay seen-a-sehra se hibab
reharway dashat ho seely zda moj-e-sirab
taan-a-ighyaar hai ruswai hai nadari hai
kia teray naam pe marnay ka iwz khwari hai
bani ighyaar ki  ab chahnay  wali  dunya
reh  gai apnay liay  aik  khiali  dunya
hum  to rukhsat huway  auron ne sanbhali  dunya
phir na kehna  huey  toheed  se khali  dunya
hum  to  jeetay  hain  k  dunya main  tera  naam  rahay
kaheen  mumkin  hai  k saqi  na rahay  jaam  rahay
tery  mehfil  bhi gaye chahnay  walay  bhi  gaye
shub  ki aahain  bhi  gayen  subh  k naalay  bhi  gaye
dil  tujhay de  bhi  gaye  apna  sila  le  bhi  gaye
aa  k bethay bhi  na thay k nikalay  bhi  gaye
aai  ushaq gaye  wada-a-farda  le  ker
ab  inhain dhund  chragh-a-rukh-a-zeba  le  ker
darde laila bhi wohi qais ka pehlu bhi wohi
najd k dashat-o-jabl main ram-e-aahu bhi wohi
ishq ka dil bhi wohi husn ka jadu bhi wohi
ummat-e-ahmed mursal bhi wohi tu bhi wohi
phir ye aarzu-giay ghair sbab kia mainy
apnay  shedaaon pe ye chashm-e-ghzab kia mainy

tujh ko chora k rasool-earbi ko choora
bot gari paisha kia bot shikni ko chora
ishk ko ishk ki aashfta sree ko chora
rasm-e-sulman-o-awais qarni ko chora
aag takbeer ki seenon main dabi rakhtay hain
zindagi masl-e-bilal-e-habshi rakhtay hain
ishq ki khair wo pehli see ada bhi na sahi
aur pabandi-a-aainnay wafa bhi na sahi
kabhi hum se kabhi khairon se shnasai hai
bat kehnay ki nahi tu bhi to harjai hai
sr-e-faran pe kia deen ko kamil tu ne
ik isharay main hzaron k liay dil tu ne
aatish andoz kia ishq ka hasil tu ne
phoonk di garmi-e-rukhsar se mehfil tu ne
aaj kyun hamaray seenay shrer abad nahi
hum wohi sokhta saman hain tujhay yaad nahi
wadi-a-najd main wo shoor-e-slasal na rha
qais deewana-a nzara-a mahmal na rha
be hijabana soo-a-mehfil ma baz aayee
bada kash ghair hain gulshan main lub-e-ju baithay
suntay hain jam bkaf naghma ku ku baithay    
dor-e-hungama gulzar se yak su baithay
teray deewanay  bhi hain muntazar-e- hu baithay
apnay perwanun ko phir zoq-e-khud- afrozi de
bark-e- daireena ko farmane jigr sozi de
qoum-e-awara anan tab hai phir sooay hijaz
le ura bulbul be per ko  mzaq-e-perwaz
muztrib bagh k her ghunchay main hai booay niaz
tu zra chair   to de tshna-e-mazrab hai saz
naghmay baitab hain taaron se nikalnay ke liay
tur muztir hai isi aag main jalnay ke liay
mushkilain ummat-e-marhoom ki asan ker de
mor-e-be maya ko humdosh-e-suleman ker de
jins-e- nayab-e-mohabat ko phir arzan ker de
hind k dair nasheenon ko muslaman ker de


boo-a-gul le gaye bairoon-e-chman raaz--e-chman
kia kiamat hai ke phool hain ghmaz-e-chman
ahd-e-gul khtam huwa toot gya saz-e-chman
oor gay daalion se zamzama  perwaz-e-chman
aik  bulbul  hai k mehav-e-trannum hai ab tak
is k seenay main naghmon  ka  tlatum  hai  ab  tak
qamarian  shakh-e-snober se gurezaan  bhi  huyen                                                                            
pattian  phool ki  jarh  jarh  k  preshan  bhi  huyen
wo  purani  ravishain  bagh  ki  weran  bhi  huyen
daalian pairhan-e-barg se  oorian bhi  huyen
qaid-e-mosam se  tabiat  rahi  azad  is  ki
kash  gulistan  main  samjhta koi  faryad  is  ki
lutf  marnay  main  hai  baki  na  maza  jeenay
kuch  maza hai to  yehi  khoon-e-jigar  peenay  main
kitnay baitab hain  johar  meray  aainay  main
kis  qadr  jalway  traptay  hainn meray  seenay  main
is  gulistan  main  mgar  dekhnay  walay  he  nahi
daagh  jo  seenay  main  rakhtay  hon  wo  laalay  he  nahi
 chaak  is  bulbul-e-tanha  ki  nawa  se  dil  hon
jaagnay  waalay  isi  baang-e-dra  se  dil  hon
yani  phir  zinda  naye  ihad-e-wafa  se  dil  hon
phir  isi  bada-e-daireena  k  piasay  dil  hon
 ajmi  khum  hai to  kia  may  to  hijazi  hai meri
naghma  hindi  hai  to  kia  lay to  hijazi  hai  meri.




 

7 comments:

Anonymous said...

Thanks for nice work! Urdu composing must be clearly legible. We can't enjoy Iqbal's kalaam in roman urdu.

Anonymous said...

great poetry..but plzz..make it in proper urdu and with biggger fonts..this roman urdu drains pleasure from poetry...

Unknown said...

nice

Faisal Aakash Hariii said...

so nice kalam

Shahrukh said...

Aw-some complication

Shahrukh said...

ITs good for our ambition of life

Unknown said...

Very ellaborate. Thank you

Post a Comment